Pasi nxorri të gjithë banorët e Tiranës nga shtëpitë, me një lajm të rremë, për parashikimin e tërmetit, Çim Peka nuk ka zënë mend nga ky megaskandal.
Sot në portali i tij, Syri.net, shkruante se: Gent Cakaj, ka kërcënuar hapur homologët e tij. Nëpërmjet dy postimeve rresht në Twitter mëngjesin e sotëm.
Titulli “bombastik” që vetëm Çimi i syri.net di ti bëjë, thuaj se: Cakaj i Ramës kërcënon hapur ministrat e Jashtëm të BE: Nëse nuk na hapni negociatat …
Lajmi i plotë i Syri.net të Çim Pekës:
Vetëm pak orë përpara takimit të ministrave të Jashtëm të vendeve anëtare të Bashkimit Europian, në të cilën do të diskutohet për fatin e negociatave me Shqipërinë dhe Maqedoninë, ministri i Jashtëm i vendit tonë, Gent Cakaj, ka kërcënuar hapur homologët e tij. Nëpërmjet dy postimeve rresht në Twitter mëngjesin e sotëm, Cakaj i Ramës u kërkon ministrave të BE-së që të mbajnë premtimet, por nuk shkruan asnjë fjalë për premtimet dhe detyrat e parealizuara nga qeveria Rama.
Në një linjën e shefit të tij, Cakaj, kërcënon vendet anëtare të Bashkimit Europian, se nëse nuk i hapin sërish negociatat me Shqipërinë atëherë ata do të përballen në rajonin tonë me rivalë të rrezikshëm strategjikë, që nënkupton Rusinë apo Turqinë e Erdogan.
“Sot Europa përballet me një zgjedhje historike. Vendimi i sotëm do të jetë një provë e aftësisë për të realizuar premtimet dhe për të parë të ardhmen. Shqipëria ka ndërmarrë reforma gjyqësore ambicioze dhe të guximshme duke u shndërruar në shteg në rajon. Tani është koha për të hapur bisedimet e pranimit.
Sipas Syri.net të Çim Pekës, Cakaj kërcënon vendet anëtare të Bashkimit Europian, se nëse nuk i hapin sërish negociatat me Shqipërinë. Por Ministri i jashtëm Cakaj nuk e ka përmendur fare fjalën kërcënim në postimin e tij në twitter.
Fake News i Syri.net shkon edhe më tej ku thotë se: Nëse nuk i hapin sërish negociatat me Shqipërinë atëherë ata do të përballen në rajonin tonë me rivalë të rrezikshëm strategjikë, që nënkupton Rusinë apo Turqinë e Erdogan. Këtu duket se Syri.net ka shfrytëzuar fantazinë pasi Cakaj nuk e ka përmendur as Turqinë dhe as Rusinë.
/AlpeNews.al
