Marsida Qatja në një intervistë për “Open” është shprehur se pas ngjarjes së ndodhur disa ditë më parë marrëdhëniet e saj nuk janë të mira.
Sipas saj, bashkëshorti njihet me të gjithë të pranishmit në ngjarjen e 10 tetorit ku mbeti i vrarë Dritan Haxholli, duke treguar edhe shenja frike.
Më tej Marsida ka treguar edhe një mesazh që i kishte dërguar edhe motra e viktimës, me një fëmijë që nuk ishte djali i saj.
“Kam deklaruar se nuk kam asnjë marrëdhënie me ta. Më bënë test drogë në Polici, ushqej fëmijën me gji. Kam komunikuar me burrin. Marrëdhënia me të. Mendoj që do të ketë pasoja. Është tip serioz, nuk fal, nuk toleron asgjë. E kanë shqetësuar mediat. Flasin dhe nuk e kuptojnë se po më shkatërrojnë familjen. Të tre njihen me burrin tim, përveç Dritanit. Tani nuk kanë komunikuar. Janë më të vegjël shokët e mi. Unë flej tek mamaja ime se nuk e kam të lehtë. Motra e Dritanit më solli një foto dhe më tha shiko si ta ka mbajtur djalin në prehër. Ai nuk ishte djali im. Ne i ndihmonim. Dritani ka qënë problematik edhe për kafe nuk e pranonin. Unë e kam resektuar më tepër seç duhet Dritanin,”-tha Marsida.
Një ngjarje e rëndë ndodhi pak ditë më parë në Kavajë. Një konflikt i armatosur që përfundoi me një viktimë dhe me një të plagosur. Viktima bezdiste ish të dashurën Marsida Qatja. Kjo e fundit thirri për ndihmë të dashurin e ri Bledar Toçi. Pasi pa njerëz në shtëpi viktima hapi zjarr duke plagosur policin, ky i fundit e vrau me armën e shërbimit. Në apartamentin duplex jetonin edhe fëmijët e parukieres 30-vjeçare.
