Një goditje për Madridin. Partitë separatiste në Katalonia fitojnë shumicën në zgjedhje

Votuesit në rajonin spanjoll të Katalonjës kanë dhënë një goditje në Madrid duke mbështetur partitë pro pavarësisë në zgjedhjet rajonale.
Ish presidenti katalanas Carles Puigdemont festoi rezultatet nga Brukseli ku ai ishte në mërgim të vetëshpallur pasi autoritetet spanjolle njoftuan se po kërkonin arrestimin e tij. Puigdemont u nxor nga pushteti pas mbajtjes së një referendumi të paligjshëm të pavarësisë dhe shpalljes së pavarësisë së njëanshme të rajonit nga Spanja.
“Republika Katalonase ka fituar,” njoftoi ai nga Brukseli në orët e para të mëngjesit të ditës së premte. “Qeveria spanjolle u mund.” Qeveria spanjolle kishte kërkuar zgjedhje të parakohshme me shpresën e shuarjes së lëvizjes separatiste, të cilat shkaktuan krizën më të keqe politike ndër dekada.
Shpresat e Madridit u thyen në mënyrë të qartë. Me më shumë se 99% të votave të numëruara, asnjë parti e vetme nuk fitoi një shumicë të drejtpërdrejtë, por tri partitë separatiste së bashku morën 70 vende. Ata kishin nevojë për 68 për të qendruar në Parlamentin prej 135 vendesh.
Për të qeverisur partitë pro pavarësisë do të duhet të bashkohen në një koalicion. Një skenar i tillë shtyn marrëdhënien Madrid-Barcelona në vendin ku kjo filloi e gjitha tre muaj më parë, me një qeveri provokative separatiste në Barcelonë, duke “goditur” Madridin. Përgatiti:AlpeNews.al