Në qytetin e Sarandës u ndërmor fushata e dytë e pastrimit të plazhit të qytetit bregdetar nga mbeturinat.
Shoqata ‘’Spiranca Diving Center’’ dhe Nisma ‘’Dhuro Një Lule për Sarandën’’ u bashkuan për të nxjerrë në sipërfaqe mbeturinat e akumuluara ndër vite në thellësinë e detit.
Në këtë mision i cili tashmë ka përfunduar morën pjesë zhytës vendas bashkë me aktivistë nga Hungaria, Letonia dhe nga vende të tjera të botës.
Plot 150 goma janë nxjerrë dje nga thellësia e detit, ndërsa në total gjatë muajit 226 të tilla.
