Pas më shumë se 15 orësh policia ka arritur që të gjejë turistët hungarezë që humbën mbrëmjen e së dielës në Karaburun. Çifti i turistëve nga Hungaria kishte dhënë sinjalin SOS pasi kishin humbur rrugën. Pas kësaj ata duke mos e gjetur dotë rugën e kthimit për shkak të errësirës dhe tërrenit të vështirë, kishin vendosur që të ngrinin çadrën e kampingut dhe të kalonin natën aty.
Por zona që kishin zgjedhur rezultoi një pikë pa mbulim nga valët telefonike ç’ka e ka bërë të pamundur kontaktimin me policinë. Vetëm gjatë mëngjesit të sotëm, policia ka mundur të lokalizojë dhe më pas të gjejë dy turistët hungarez në një zonë të Karaburunit.
