Ministrja Elisa Spiropali shprehet se rritja e numrit të turistëve që vizitojnë Shqipërinë është një tregues i aseteve unikale që ka vendi por dhe i reformave të qeverisë.
Sipas Spiropalit, vetëm në 20 ditët e para të gushtit në vend kanë ardhur 1 milion turistë, ndërsa në gjithë korrikun 1.2 milion. Ama sipas ministres, pavarësisht treguesve nevojitet ende punë për të arritur standartet europiane.
‘1 milionë turistë vizituan Shqipërinë vetëm në 20 ditët e para të gushtit. Numër të lartë turistësh pati edhe muaji korrik duke kapur shifrën e 1.2 milionëve.
Këto shifra janë tregues jo vetëm i aseteve unikale që ka vendi ynë, por edhe reformave të ndërmarra nga qeveria për optimizimin e shërbimit, përmirësimin e infrastrukturës, luftës kundër informalitetit, pastrimin e territorit,etj.
Nevojitet ende punë për të arritur standardet ??, por i përgjigjemi me kënaqësi sfidës duke punuar çdo ditë në fuqizimin e kësaj industrie motor për ekonominë e vendit’, shkruan Elisa Spiropali.
