Rivaliteti me Interin dhe Juventusin momentalisht ka nxjerrë Napolin si skuadrën favorite për të triumfuar në Serinë A. Mirëpo, si të mos mjaftonte kjo, për napolitanët duket se gara do të vijojë edhe në fronte të tjera.
Pas Napolit që mundi të sigurojë çerek finalet e Kupës së Italisë, teksa kaloi Udinezen, ditën e sotme edhe Atalanta fitoi 2-1 ndaj Sasuolos, dhe shorti i ka përplasur ekipet e shqiptarëve në turin pasardhës.
Një prej tyre do të jetë edhe kupa, kjo e konfirmuar edhe nga mbrojtësi i Kombëtares shqiptare, Elseid Hysaj. “Kupa është objektiv për ne. Duhet të japim maksimumin në çdo ndeshje për të shkuar deri në fund. Nuk ka vend për të nënvlerësuar asnjë skuadër tjetër, por vetëm që të tregojmë forcën tonë duke dhënë maksimumin”, ka deklaruar Hysaj për mediat italiane, ndërkohë që skuadra axurre ka eliminuar Udinezen. Me triumfin e Atalantës dje ndaj Udinezes me rezultatin 2-1, Kupa e Italisë rezervon derbin shqiptar mes Hysajt dhe Berishës.
