Drejtori i burgut 313 në Tiranë, Maksim Hamitaj është pezulluar nga detyra, pasi sipas burimeve për “Panorama” është gjetur me shkelje dhe pritet shkarkimi i tij.
Sipas po të njëjtave burime mësohet se shkarkimi ka të bëjë me trajtimin preferencial të disa të burgosurve sa i takon takimeve me të afërmit e tyre.
Dyshohet se një prej të burgosurve që ka përfituar është edhe Emiljano Shullazi. Mësohet se Hamitaj është zëvendësuar nga Qazim Hoxha, i cili deri më tani ka qenë drejtori i Burgut të Durrësit.
