Aksioni kundër informaltietit duket të jetë arma më e fortë e qeverisë Rama në sezonin ku ndodhemi.
I nisur me fillimin e verës, ky aksion ka korrur sukses duke larguar njëherë e mirë të gjithë ata që nuk kanë zbatuar ligjin në punën e tyre.
Suksesi i këtij aksioni shkon edhe më tej kur lë opozitën (e cila ka një akuzë për gjithcka), pa fjalë.
Që prej nisjes së tij, reagimet nga pala kundërshtare kanë qenë aq të pakta sa kryeministrit Rama nuk i është dashur në asnjë moment të bëj replikë duke vijuar i qetë me planin.
Duke veçuar statuse të ish kryeministrit Berisha, ardhur nga qytetari dixhital të cilat kanë problem besueshmërie, Lulzim Basha e ka fokusuar sulmin e tij në tjetër vend.
Monika Kryemadhi gjithashtu, e distancuar prej javësh nga politika, nuk ka bërë as edhe një reagim.
Aksioni kundër informalitetit erdhi si një nevojë e madhe në këtë sezon veror. Nëse do të marrim shembull zaptimin e plazheve e bregdetit, tanimë njerëzit e dinë sa e vështirë ishte të zije një shezllon falas.
Prandaj edhe buja qe pati plazhi i Ksamilit, si i pari në rradhë që doli nga zaptimi, ishte i madh.
Nga ana tjetër, kryeministri Rama e ka nisur me shembull personal. Është vetë ai që poston foto me pronarët e restorantëve të ndryshme dhe është po ai që ia mbyll sapo zbulohen se këto të fundit janë në shkelje.
Të gjitha këto duket se krijojnë një përputhje besueshmërie për të nisur atë që të gjithë duam, një shtet të drejtë e të lirë.
Përgatiti: AlpeNews.al
