Banka Botërore thotë se Shqipëria është në listën e 20 vendeve që kryesojnë si eksportues të domateve në botë.
Historia e eksportit të domateve shqiptare ka shënuar arritje, ndërsa ka ende potenciale për rritjen e prodhimit. Mesatarja e çmimit të domates shqiptare të eksportit është 5 herë më pak se çmimi i Italisë. (50 cent krahasuar me 2.40 US$).
“Qoftë edhe një rritje e lehtë në cilësi/çmim do të kish një ndikim të madh në vlerë përgjatë gjithë zinxhirit”, thekson BB.
Interes në rritje për perimet “Made in Albania” po tregojnë tregjet e Bullgarisë, Serbisë, Bosnjes, Kroacisë Gjermanisë, Italisë, Hollandës, Francës, Hungarisë, Ukrahinës e Rusisë.
Shqipëria eksporton mbi 50 mijë ton perime/ vit, nga të cilat mbi 35 mijë ton domate. Eksporti i domateve sjell 1.49 miliardë lekë të ardhura në vit.
/Marrë nga Alfred Pez@, blogu personal
