Një makinë tip ‘Benz’ është përfshirë nga flakët në lagjen ‘Bexhisten’ në hyrje të Shkodrës. Fatmirësisht nga zjarri nuk ka patur persona të lënduar.
Ditën e sotme një automjet tip ‘Mercedez Benz’ me targat ‘AA 560 OL’ është përfshirë nga flakët në hyrje të Shkodrës.
Ngjarja është shënuar mesditën e sotme në zonën e ‘Bexhisten’, ndërsa shërbimi zjarrfikës ka shkuar në vendin e ngjarjes dhe ka bërë të mundur shuarjen e flakëve.
Makina ka marrë flakë në ecje e sipër. Fatmirësisht personat që ishin brenda makinës kanë dalë jashtë në kohë dhe nuk kanë pësuar dëme.
Ndërkohë policia po heton për zbardhjen e plotë të ngjarjes.
