Artistët kanë vijuar ditën e sotme qëndresën ne ambientet e teatrit kombëtar. Pamjet që vijnë nga artistët që e kanë kundërshtuar këtë projekt janë midis atyre që përplasen me policinë dhe atyre që përloten për fatin që sipas tyre do të ketë godina e Teatrit.
Një prej momenteve më të bujshme sot ishte ai ku aktori i njohur Neritan Liçaj u përlot.
Nga ana tjetër, pranë tyre sot kanë shkuar edhe kryedemokrati Lulzim Basha bashkë me ish-deputetë të opozitës.
Vizita e kryedemokratit zgjati 1 orë dhe ishte larg nga përjetimi i artistëve. Basha hyri brenda Teatrit me brohorima nga militantët e Partise Demokratike (Luli, Luli…).
I sapo ndodhur brenda, ai rrembeu telefonin e tij dhe e vetmja gjë që pamë prej tij pas kësaj ishte kjo pamje.
Basha nuk dukej i shqetësuar, ashtu siç deklaroi kur mikrofonat e mediave iu drejtuan. Ai dukej madje i lumtur që më në fund, pas dështimit me protestat e fundit kishte gjetur një kauzë të vjetër por me zhvillim të ri ku të mbështetet për të thene edhe njëherë: Rama ik!
Sapo mbaroi dhe telefonatat, erdhi dhe fundi i vizites se tij te shkurtër tek teatri. Për mediat, Basha u shpreh se do të takonte diplomatë e më pas kryetaret e bashkive (?!), sepse mesa duket këta të fundit që janë ish tanimë nuk mund ti merrte dot tek Teatri…
Përgatiti: AlpeNews.al
