“KËRKESA BAZIKE…”/ Haadinaj: Nëse s’ka njohje, a duhet që edhe Kosova të armatoset?

16 July, 2019 Lubjana.autor Rajon

Dëshira për arritjen e një marrëveshjeje ndërmjet Kosovës dhe Serbisë, të cilën e shprehu edhe presidenti i Francës, Emmanuel Macron, është në logjikën e këshillës për të dy vendet, ka thënë kryeministri i Kosovës, Ramush Haradinaj.

“Falënderojmë presidentin Macron për sinqeritetin e shprehur, kur tha se Kosova dhe Serbia janë shtete evropiane, me perspektivë evropiane. Mendoj që kjo shpjegon shumë”, tha Haradinaj, në një konferencë për media në Prishtinë.

Megjithatë, ai ka shtuar se kompromisi i vetëm që Kosova mund ta bëjë për të arritur njohjen nga Serbia, është heqja e taksës prej 100 për qind për produkte e importuara nga Serbia.

Haradinaj ka theksuar se ajo që ka kërkuar Kosova “është shumë bazike, pra, njëkornizë-marrëveshje për njohje reciproke në kufijtë ekzistues, me elementet përcjellëse”, për të cilën do të zhvillohen negociatat.

“Hezitimi është që Serbia ose që një pjesë e bashkësisë ndërkombëtare po thotë ‘nuk mund t’ia vëmë emrin njohje reciproke në kufijtë ekzistues’. Kjo po i bie që po na këshillojnë edhe neve që të blejmë ‘Mistral’-a (pjesë e sistemit raketor). Serbinë po e armatosin me ‘Mistral’.

Për shembull, Serbia po shkon dhe po blen armë në Rusi. Edhe Franca e bëri një kontratë me Serbinë, për sisteme raketore. Ndërkaq, neve na thonë ‘nuk mund t’i vëmë emrin marrëveshjes’ se është njohje reciproke në kufijtë ekzistues. Çka të bëjmë ne, pra, nëse emrin nuk mundeni t’ia vëni? Ne jemi shtet i pavarur dhe ne nuk kërkojmë asgjë tjetër në dialog pos njohjes reciproke. Nëse nuk jeni gati për këtë, atëherë është porosi për ne që edhe ne të armatosemi”, tha Haradinaj.

Presidenti francez Macron, i cili po qëndron në vizitë dyditore në Beograd, ka theksuar se do ta organizojë një takim ndërmjet liderëve shtetëror të Serbisë dhe Kosovës, së bashku me kancelaren gjermane Angela Merkel.

Facebook Twitter Google+ LinkedIn Pinterest

Next article MESSI APO CRISTIANO RONALDO? Carvajal jep përgjigjen që nuk pritej

Previous article E BUJSHME NGA SPANJA/ Lojtari i Real Madrid në huazim tek klubi gjigant i Premier...