Kryetarja e LSI-së ka dalë ditën e sotme në kryeqytet ku ka zhvilluar një takim me qytetarët e njësisë numër 5.
Mirëpo teksa ftonte të gjithë qytetarët që t’i bashkoheshin opozitës në protestën e 10 kombëtare që është paralajmëruar të mbahet më datë 8 korrik, Kryemadhi ka bërë një gafë të rëndë.
Kryetarja e LSI-së është shprehur se njerëzit duhet të dalin të protestojnë për ‘taska më të larta’.
“Të gjithë do dalim në shesh, jo për Opozitën por për hallet e shqiptarëve, për hallet e popullit.
Njëri kërkon vend punë dhe nuk e gjen, tjetri kërkon taksa më të larta. Njëri proteston se i ka falimentuar biznesi për shkak të taksave të Edi Ramës, dikush se i ka ikur fëmija jashtë shtetit, etj,”- tha kryetarja e LSI-së ndër të tjera.
Në këto momente nuk duhet humbur as mënyra se si po shikonte Floida Kërpaçi, ish-deputetja e LSI-së. Kurse Petrit Vasili mban kokën e ulur.
