Presidenti Ilir Meta pasi ishte në Tropojë, është ndalur në Prizren. Ka ndarë një foto me ndjekësit e tij në rrjetet sociale, ku uron një mbrëmje të bukur. Presidenti shihet teksa është duke konsumuar një birrë.
“Të dashur miq, ju uroj një mbrëmje të bukur nga Prizreni, ky qytet mahnitës!”, shkruan Meta.
Kreu i shtetit ishte sot në Tropojë për vendosjen e emrit të kongresmenit amerikan Eliot Engel rrugës që lidh Tropojën me Gjakovën. Së bashku me kongresmenin Engel vendosën në shenjë respekti një buqetë me lule te shtatorja e Heroit të Demokracisë, Azem Hajdari në sheshin kryesor të Bajram Currit.
