Përleshjet në Parlament, situata e tensionuar dhe ndërhyrjen e gardës për të larguar nga foltorja ish-kryeministrin Sali Berisha është komentuar nga ish-ministri i Drejtësisë Ylli Manjani.
I ftuar në studion e emisionit “Opinion”, Manjani tha se ndërhyrja e gardës ishte një vepër penale.
Ndërprerja e fjalës së Berisha, njëkohësisht një nga deputetët më të vjetër, është një puç i fjalës së lirë.
Po ashtu ish-ministri tha se Prokurorja e Përgjithshme e Përkohshme, duhet ta fillojë me arrestimin e personit që ka dhënë urdhërin për të ndaluar një deputet të mbajë fjalën e tij.
“Garda ka dalë mbi kryetarin e Kuvendit, pa marrë urdhër nga ai. Kjo është një vepër penale, një kryevepër penale”, tha Manjani. Ata vepruan në kundërshtim me fjalën e kryetarit të Parlamentit.
