Prej dy orësh në të gjitha mediat po qarkullonin lajme se Partia Socialiste kishte manipuluar procesin e votimit më 30 qershor, pasi në disa bashki nga Veriu në Jug nga kutitë po dilnin më shumë vota për kryebashkiakët sesa votues të shpallur në listën e KQZ-së në orën 19:00.
Ky konstatim përbënte një skandal për procesin, por që lidhej me hije të forta dyshimi sesa në të vërtetë ishte i tillë.
Dhe tashmë është konfirmuar se alibia që u ngrit nga Partia Demokratike rrëzohet.
Pikërisht nga Bashkia e Urës Vajgurore, aty ku nisi publikimi i “skandalit”, kryebashkiakja Juliana Memaj sqaroi për mediat se të dhënat e publikuara nga KQZ nuk kanë qenë të sakta.
Atë ç’ka deklaroi Mema, Gazeta SHQIP e konfirmon me procesverbalin zyrtar të firmosur nga anëtarët e KZAZ-së, ku shihet se pjesëmarrja në votime ka qenë 8026, ndryshe nga ç’pretendonte PD se ishte 5900.
