Gazetari Arian Çani i ftuar mbrëmjen e sotme në “Studio e Hapur” me Eni Vasilin në “News 24” ka komentuar protestën e sotme dhe hedhjen e tymnajave në sallën e Parlamentit.
Gjithashtu Çani ka komentuar përplasjen fizike mes deputetëve.
“Kjo e sotmja është një gjë e bukur për kamerat, ato tymosjet nuk ishin as djegëse. Kjo është një ide jo shumë kreative sepse ne e kemi parë edhe nga Vetvendosje në Kosovë, edhe atje nuk bën më përshtypje. Mua më erdhi keq për Berishën aty, se si u shty nga ata gardianët. Berisha është i mbajtur dhe i fortë, por duhet ta kishte evituar vetë këtë skenë. Më erdhi keq edhe për këtë deputeten e LSI-së që u shty me forcë në atë formë nga ky deputeti i PS-së. Nuk mund të shtyhet ashtu një femër”, tha Çani.
