Kreu i Grupit Parlamentar të PS-së Taulant Balla ka komentuar në emisionin ‘Top Talk’ dekretimin e datës 13 Tetor si data e re e zgjedhjeve.
Balla e cilëson këtë vendim si çmendurinë e radhës së Metës dhe si një lojë të turpshme karnavalesh, teksa tha se zgjedhjet vendore do të bëhen më 30 Qershor.
‘Zgjedhjet vendore të vitit 2019 janë 30 Qershori i vitit 2019. Çmenduria e radhës e paralajmëruar nga Ilir Meta nuk ka aspak lidhje me atë që Shqipëria do të bëjë. Unë ftoj të gjithë shqiptarët më 30 Qershor, socialistë apo demokratë të votojnë në 61 bashki dhe të 61 kuvendet vendore këshilla bashkiakë. Ilir Meta po luan një lojë të turpshme karnavalesh që s’ka aspak lidhje me rolin e kompetencat e presidentit. 30 Qershori tashmë është një datë e vulosur dhe me vendim gjykate. Po të kemi parasysh vendimin e Kolegjit Zgjedhor që e përcakton çdekretimin e presidentit akt të pavlefshëm dhe çdo përpjekje për të krijuar akte të tjera është nul mbi nul. Zgjedhjet do të zhvillohen më 30 Qershor’, tha Balla.
