Dita e sotme ka qenë mjaft e ngjeshur për Presidentin Meta. Ky i fundit që prej orës 05:00 të mëngjesit është nisur drejt Presidencës me shpresën se do të takonte kryeministrin Rama.
Rama nga ana tjetër i ktheu mbremjen e djeshme përgjigje teksa i tha se ishte i zënë me fushatën.
E megjithatë, në ftesën e tij Presidenti kishe thirrur edhe kreun e opozitës Lulzim Bashën i cili edhe më ipërpiktë se Meta vetë arriti në Presidencë në orën 09:00.
Fill pas tij, Meta priti nënkryetarin e LSI, Petrit Vasilin. Kjo lëvizje në fakt ishte disi e papritur duke patur parasysh faktin se në takim duhet të ishte kryetarja e LSI.
Mesa duket, Monika Kryemadhi dhe Ilir Meta vijojnë ta kenë këtë “sikletin” e të qenurit burrë e grua në shtëpi, por president e kryetar partie opozitare në sytë e popullit.
Vlen të përmendet se vetëm një orë më vonë, Monika Kryemadhi zhvilloi takim në selinë blu më Lulzim Bashën…
Përgatiti: AlpeNews.al
