Ish-ministri i Infrastrukturës, Damian Gjiknuri është personazhi më i lakuar në përgjimet e gjermanes ‘Bild’, e cila mbrëmë publikoi të reja.
Në përgjimet e para, Gjiknuri dëgjohet teksa shprehej se do të dërgonte ‘çuna problematikë’ si përforcime për shtabin elektoral në Dibër.
Ndërkohë, pak minuta më parë ai ka publikuar në profilin e tij një foto me të rinjtë socialistë, ndërsa nuk lë pas edhe ironinë. Sipas Gjiknurit, të rinjtë e FRESSH janë ‘çunat problematikë’
“Mirëmëngjes! Pranë furgonit me gocat dhe çunat “problematik” të Forumit Eurosocialist të Vlorës, me të cilët po udhëtojmë në çdo lagje për të prezantuar Dritan Lelin dhe skuadrën e Partisë Socialiste në Këshillin Bashkiak“, shkruan deputeti.
Sakaq, Gjiknuri në përgjimet e reja dëgjohet teksa feston me Ymer Lalën për rezultatin në Dibër. Por, lidhur me këto përgjime ai ende nuk ka dhënë një sqarim për atë që është publikuar.
