Ish-Gjenerali i Përgjithshëm i NATO, Wesley Clark, i cili ka udhëhequr bombardimet e NATO-s gjatë vitit 1999, ka akuzuar Rusinë se po përdor Ballkanin si një pikë strategjike për të krijuar kriza.
Clark ka hedhur dyshime mbi ndërtimin e një baze humanitare ruse në territor të rrethuar nga shtetet dhe bazat e NATO-s.
Ish gjenerali i NATO-s, vizitoi këtë javë Kosovën së bashku me ish presidentin amerikan Bill Clinton dhe ish Sekretarin e Shtetit, Madeleine Albright, me rastin e 20 vjetorit të bombardimeve të NATO-s mbi Serbinë, të cilat parandaluan spastrimin etnik.
Gjenerali Clark ka theksuar rëndësinë e prezencës së trupave të NATO-s në Kosovë që prej instalimit të tyre në vitin 1999, gjë që ka ndikuar në paqe dhe stabilitet në Ballkan. Përpos këtyre ai ka paralajmëruar gjithashtu edhe rreziqe që vijnë nga Rusia.
‘Putin gjithmonë lë hapur një mundësi.. Një krizë që pritet të ndodh. Në çdo moment që i duhet një krizë, ai mund të fillojë një të tillë, ndoshta këtu, ndoshta në Ukrainë apo në shtetet Baltike’, ka deklaruar Clark.
Sipas tij baza ruse në Nish të Serbisë është një qëndër humanitare që ka mundësinë të përdoret për gjithçka nga ana e rusëve.
Qendra ruso-serbe ishte krijuar në vitin 2012 si një stacion i emergjencës dhe është nën kontrollin e ministrisë së mbrojtjes civile ruse.
141008_clark.jpg
