Një ngjarje e rëndë ndodhi ditën e sotme në fshatin Petë të Selenicës, ku mbeti i vrarë me armë zjarri një person, i identifikuar si Argjil Gjoka, kreu i njësisë administrative Kotë.
Gjoka humbi jetën pas një konflikti me armë në zonë, ku një tjetër person, i identifikuar si Arif Bejtaj, mbeti i plagosur.
Sipas policisë, ngjarja ka ndodhur në rrethana ende të paqarta, ndërsa të dyshuar për ngjarjen janë i plagosuri Arif Bejtaj dhe vëllai i tij Mersin Bejtaj dhe po punohet për kapjen e autorëve.
Njoftimi i plotë i policisë:
Vlorë
Informacion paraprak
Në orën 14:43, në rrethana ende të paqarta fshatin Petë të Selenicës, pas një konflikti dyshohet me armë zjarri, ka humbur jetën shtetasi A.Gj, ndërsa shtetasi tjetër A.B ka mbetur i plagosur.
Grupi hetimor ka shkuar në vendin e ngjarjes për kryerjen e veprimeve të mëtejshme hetimore.
Policia është duke krehur zonën përreth me qëllim identifikimin, kapjen dhe arrestimin e autorëve.
