Pas përfundimit të konferencës për shtyp, presidenti Ilir Meta ka publikuar në ‘Facebook’ një foto, në të cilën kishte realizuar simbolin e shqiponjës.
Meta e ka shoqëruar me shprehjen e famshme të përdorur nga vetë ai “Me qetësi dhe dashuri”.
Pas këtij gjesti ka reaguar ish kreu i “Aleanca Kuq e Zi”, Kreshnik Spahiu i cili pretendon se simbolin e shqiponjës e ka përdorur ai më herët.
Sipas Spahiut, pasi vodhën shtetin, bregdetin, thesarin, arin, bankat dhe çdo pasuri kombëtare, u duhen dhe simbolet kuq e zi.
Ndërkohë që pritet një reagim i fortë dhe nga tifozët Kuqezi, të cilët janë të parët që e kanë përdorur simbolin e shqiponjës në të gjitha eventet sportive.
