Rritet me 10,9 % dhënia e lejeve për ndërtesa të reja në vend, krahasuar kjo me një vit më parë. Sipas raportit të publikuar nga INSTAT ditën e sotme, në tremujorin e parë të vitit 2019, janë miratuar gjithsej 245 leje ndërtimi për ndërtesa të reja, nga 221 leje të miratuara në tremujorin e parë të vitit 2018.
Për tremujorin e parë të këtij viti, qarku me numrin më të madh të lejeve të miratuara për ndërtesa të reja është Tirana. Me 94 leje, lejet në Tiranë janë rritur me 45% krahasuar me të njëjtën periudhë të vitit të kaluar. Ndërkaq, Tirana pasohet nga qarqe si Fieri, Durrësi dhe Elbasani.
Sipas të dhënave vetëm 32% e lejeve janë për ndërtesa banimi, ndërsa rreth 54% janë leje për ndërtesa të tjera jorezidente. Ndërkaq, rreth 24% janë leje për punime inxhinierike.
Në tremujorin e parë të vitit 2019, sipërfaqja e lejeve të ndërtimit miratuar për ndërtesa të reja është rreth 581.236 m 2, nga rreth 200.944 m 2 miratuar në tremujorin e parë të vitit 2018, duke shënuar një rritje me rreth 2,9 herë.
