Pasi KQZ e përjashtoi nga gara, Fredi Bejleri ankimon vendimin e saj.
Më poshtë ju njohim me më shumë informacion:
Kolegji Zgjedhor ka lënë në fuqi sot vendimin e Komisionit Qendror të Zgjedhjeve, për të mos regjistruar Fredi Bejlerin si kandidat për kryebashkiak të Himarës.
Bejleri ka thënë sot se e respekton vendimin e Kolegjit Zgjedhor, por këtë çështje do e çojë deri në Gjykatën e Strasburgut.
Bejleri ka komentuar dhe zgjedhjet e 30 qershorit për të cilat tha se nuk mund të zhvillohen me një kandidat.
“Do ketë zgjedhje? Zgjedhjet me një kandidat nuk janë zgjedhje, shpresoj që të mos të kthehemi në kohën e komunizmit”, tha Bejleri.
Ai ka folur dhe për thirrjen në Prokurorin e Krimeve të Rëndë, pasi akuzohet se ka lidhje me masakrën e Peshkëpisë.
Por Fredi Bejleri tha se nuk kishte lidhje as me këtë çështje dhe as me ndonjë ngjarje të tillë, pasi i quajti ato si akuza politike.
“S’kam lidhje as me ngjarjen e Peshkëpisë dhe asnjë çështje tjetër terroriste. Kjo është një çështje politike që po sorollat prej 25 vitesh”, tha Bejleri.
