Kur fëmijët trashëgojnë shumë nga vlerat e vendit të origjinës, merita më e madhe është e prindërve. Një nga sfidat më të mëdha që kanë shqiptarët në emigracion, është t’u trashëgojnë fëmijëve të tyre njohuri për vendin e origjinës, por edhe dashurinë për traditat e vjetra.
Dua Lipa duket së është një nga ato vajza që gjatë jetës së saj i ka dëgjuar gjithmonë këshillat e prindërve për të dashur atdheun. E tashmë që ajo njihet në të gjithë botën, vëmendja për prindërit e saj është e madhe. Ata duke “përfituar” nga vëmendja që kanë falë vajzës së tyre, promovojnë shpesh vlera të vendit të origjinës.
Së fundmi, nëna e këngëtares është rikthyer prapë në kohë dhe ka sjellë një imazh të saj me veshje tradicionale, kur ka qenë nuse.
“Ari i punuar me qëndisje dore, veshje tradicionale shqiptare 1997”, ka shkruar Anesa krahas imazhit.
Familja e Dua Lipës jeton në Londër, vend ku ka lindur edhe këngëtarja. Në vitin 2008 ata janë zhvendosur në Kosovë, por në moshën 15 vjeçare, Dua vendosi të kthehet në Londër dhe të jetojë me miqtë e saj, ku njëherë filloi punën si modele për t’u kthyer më pas në një nga emrat më të kërkuar të muzikës anembanë botës.
