Kreu i PD në Fier Luan Baçi deklaroi për gazetarin e Report TV Arsen Rusta se protestat e opozitës nuk kanë qenë të dhunshme dhe shishet që pretendohen se kanë qenë me molotov nuk kanë qenë molotov. Ai tha se një protestë mund të jetë gjithmonë me tensione dhe nga nuk mund të presin që protestuesit të hedhin lule.
“Për protestën e sotme vendosin qytetarët. Protestat duhet të jenë jo të dhunshme. Protestat e PD nuk kanë qenë të dhunshme. Nuk mund të quhen të dhunshme ato shishet që i quajnë si molotovë. Policia është provokatore e dhunës. Nga një opozitë në kushte depresioni, ka dalë në rrugë dhe ka në mbështetje popullin, nuk mund të presin që t’i hedhim lule. Mund të ketë edhe tensione të cilat gjithmonë janë prezent në një protestë. Këto qytetarët që vijnë pas opozitës nuk vijnë vetëm për ndërrim pushteti”, u shpreh Baçi.
