Pas deklaratave të ambasadorit të OSBE në Tiranë, Bernd Borchardt, ka ardhur dhe një përgjigje nga Partia Demokratike.
Sipas informacioneve mësohet se Sekretari i Përgjithshëm i Partisë Demokratike, u ka dhënë urdhër strukturave dhe ish-deputetëve që të mos bëjnë asnjë koment dhe të mos replikojnë me ambasadorin.
Më tej mësohet se Bardhi ka thënë që kjo deklaratë e ambasadorit është një diversion i pastër dhe se opozita nuk e ka luftën me të por me Edi Ramën dhe qeverinë.
“Asnjë koment për deklarata e Borchardt. Është diversion i pastër për të larguar vëmendjen nga kriza politike dhe shkaqet e saj. Beteja jonë nuk është as me Borchard dhe as me Spiropalin. Por me Edi Ramën dhe bandën në pushtet”- shkruhet në mesazhin e sekretarit të PD-së, drejtuar ish-deputetëve.
Kujtojmë se sot ambasadori i OSBE në Tiranë në një opinion të tij, i bënte thirrje opozitës që të ishte më e fortë në Kuvend dhe shprehet për të se janë një grup i vogël që qëllojnë me molotov. Borchard shtonte më tej se rini është e ardhmja dhe politika duhet të punojë për të.