Një ngjarje aspak e zakontë ka ndodhur pas protestës së opozitës me 11 maj. Të rinjë nga LSI kanë shkuar në shtëpinë e ambasadorit të OSBE, Benard Borchardt dhe kanë kënduar njëzëri “Shame on you”.
Po të njëjtën fjali, e kanë shkruajtur edhe në murin poshtë shtëpisë vepër të cilën deri më tani e mban “mbi supe” Ana Azizaj, një prej të rejave të LSI.
Më herët sot, AlpeNews.al zbuloi pjesë nga video e të rinjve poshtë shtëpise ku identifikoi edhe njërin prej tyre, Frenkli Prengën.
Duket e lehtë identifikimi i tyre pasi janë po të njëjtët të rinj që përgjigjen për të gjithë kaozat.
Janë po ata që thonë se këtu nuk rrihet më dhe se varfëria i ka “kapluar” dhe nga ana tjetër i sheh me telefonat e makinat e fundit, krah kryetarëve të partisë.
Janë po ata që protestojnë për universitetin, duke thënë se kushtet publike janë mizerabël ndërkohë që janë të gjithë në shkolla private me bursat e dhëna nga partia.
Janë po ata që dëshirojnë të japin shembuj qytetarie dhe rinie “të paparë” duke regjistruar një rast të paprecedentë siç ishte ajo e ambasadort të OSBE.
E në fund, janë po ata që këndojnë në rresht për një për LSI tek kapingu në Jal.
Pyetja lind, a është kjo rini ajo që i duhet Shqipërisë?!
Përgatiti: AlpeNews.al
