Operacioni i koduar “Chorus 2” i policisë italiane që u zhvillua midis Foggias dhe komunave të tjera të Capitanata ka çuar në arrestimin e 4 personave, mes tyre një shqiptar 39-vjeçar.
Mediat fqinje bëjnë me dije se të arrestuarit janë shqiptari Giuseppe Albanese, 39 vjeç; gruaja e tij Maria Assunta Micaletti, 28 vjeç; Angelo Salerno, 31 vjeç dhe bashkëshortja e tij Valentina Micaletti , 26 vjeç.
Kundrejt tyre rëndon akuza e vjedhjes së rëndë e kryer në bashkëpunim.
Shqiptari i konsideruar si një element i shquar i grupit kriminal, ishte ndaluar edhe vitin e kaluar si pasojë e operacionit “DecimAzione”, i cili në nëntorin e kaluar çoi në arrestimin e 30 individëve, të akuzuar për krime të ndryshme.
Shqiptari në kohën ishte nën masën e sigurisë “arrest shtëpiak” kërkonte nga një person, në mënyrë të paligjshme një automjet tip “skuter Yamaha T Maks”.
Pasi personi kishte refuzuar të dorëzonte skuterin, shqiptari i kishte dhënë udhëzime të sakta bashkëpunëtorëve (bashkëshortes dhe bashkëshortëve Salerno – Micaletti) për të shkuar te viktima për ta marrë me forcë automjetin.
Përkundër përpjekjeve nga ndërmjetësimi i viktimës për të kërkuar një marrëveshje, shqiptari kishte kërcënuar viktimën.
Menjëherë, policia kreu një seri kërkimesh lokale dhe personale kundër të dyshuarve, duke rikuperuar kështu automjetin e grabitur, i cili në atë rrethanë ishte në dispozicion të Salerno.
Hetimi përfundoi me zbatimin e “paraburgimit” për arrestimin e shqiptarit dhe “arrestit shtëpiak” për tre bashkëpunëtorët e mbetur.
