Një shkollë në afërsi të Kolorados është sulmuar me armë zjarri, ku si pasojë të paktën një nxënës ka humbur jetën dhe 8 të tjerë janë plagosur.
Sulmi ndodhi në shkollën Stem, në Highland Ranch, afër Denverit, Kolorado ndërsa dy agresorët që hapën zjarr janë arrestuar. Njëri prej të arrestuarëve që dyshohet edhe si personi që ka hapur zjarr është identifikuar si Devon Erickson, 18 vjeç. Ndërsa personi tjetër emri i të cilët nuk është bërë i ditur, dyshohet se është i mitur. Kjo është konfimruar në Twitter nga sherifi i Douglas Colorado.
‘Tragjikisht, ky komunitet dhe ata që e rrethojnë, i njohin shumë mirë këto akte të dhunshme dhe të tmerrshme të dhunës. Kjo është diçka që askush nuk dëshiron të ndodhë ‘ tha Shtëpia e Bardhë në një deklaratë për media.
