Rilindje quhet ndryshe qeverisja e Ramës, një fjalë-kredo me të cilën ai vetëfrymëzoi ardhjen në pushtet e më pas qeverisjen.
Por Rilindje u quajt dhe gazeta e parë e PD-së.
E, ndërsa zërat opozitarë anti-Rama, përfshirë dhe vetë PD-në, i kanë dhënë në ligjërimin e tyre një përmasë pezhorative Rilindjes së Ramës në funksion të zhvlerësimit, duhet kujtuar dhe se vetë PD e përdori Rilindjen si kredo të saj politike.
Por si zbërthehet kjo gjetje gjuhësore në kërkesën e paraqitur në gjykatë për themelimin e RD-së, aty ku janë firmat e Azem Hajdarit, Frok Cupit e Preç Zogajt?
“Titulli i përgjigjet nivelit të lartë të demokracisë që shënon vendi ynë në vendosjen e pluralizmit politik”, thuhet në dokument.
Më tej, aty mund të vihen re dhe të dhëna të tjera për RD-në ë dikurshme, siç ishte dhe tirazhi prej 50 mijë kopjesh si fillim, lloji i faqosjes, sa faqe, e në ç’ditë të javës do të dilte. (tesheshi)
