Një burrë, të cilit nuk i dolën paratë për të paguar faturën në një restorat, ka lënë vajzën e vogël si peng.
Sipas asaj që raportojnë mediat, babait në Kinë nuk i dolën paratë për të paguar vaktin që hëngri dhe i tha pronarit se po i linte vajzën si peng.
Ai i kishte thënë pronarit se mund ta mbanin vajzën dhe ai do të kthehej të nesërmen me pjesën e mbetur të parave.
Pasi i la vajzën, burri shihet nga kamerat e sigurisë të vendosura në restorant që lë fëmijën dhe nis të largohet.
Kur e pa që babai po largohej pa të, vogëlushja nisi të qante dhe ta ndiqte mbrapa.
Pronarët e restorantit thanë për mediat se e morën vajzën e vogël dhe e qetësuan në kuzhinë ndërsa më pas morën dhe policinë në telefon.
