Zëvendësndihmës sekretari i Shtetit për Europën, Matthew Palmer, pas kryeministrit Edi Rama dhe Lulzim Bashës e Monika Kryemadhit, është takuar edhe me presidentin Ilir Meta.
Në një postim në Facebook, Ilir Meta shkruan se zhvilloi me Palmer një takim të hapur e miqësor rreth situatës së vështirë poltike në vend.
“Takim i hapur dhe miqësor me Zëvendësndihmës Sekretarin e Shtetit për Europën, Mattheë Palmer mbi situatën e vështirë politike në vend dhe rrugëdaljet për të ecur përpara. Interes i ndërsjellë për forcimin e demokracisë dhe shtetit të së drejtës, që qëndrojnë në themel të partneritetit strategjik mes dy vendeve”, shkruan Meta në Facebook.
Presidenti e ka vënë theksin tek situate politike, por vetë Palmer tha se ai nuk kishte ardhur në Tiranë për krizën politike.
Palmer ndodhet në Tiranë në kuadër të një turi ballkanik, të programuar kohë më parë.
