I pyetur nga gazetari i Shqiptarja.com Antonio Çakshiri, në lidhje me lobimin e Partisë Demokratike kundër emërimit të ambasadores së SHBA-së Kathleen Ann Kavalec, zv.ndihmes sekretari Palmer tha se lobimi është legjitim vetëm nëse është brenda rregullave. Ai theksoi se kjo çështje po hetohet, por shtoi se shumë shpejt Tirana zyrtare do të ketë së shpejti emrin e kryediplomatit të ri amerikan.
“Senati amerikan nuk është se e ka rrëzuar emërimin e Kavalec. Lobimi është normal ose legjitim përsa kohë është brenda rregullave dhe transparent dhe i qartë.
Është një çështje që është duke u hetuar dhe nuk mund të japë detaje në lidhje me të”, tha Palmer.
