Zbulohet biseda private e Spartak Brahos dhe Taulant Ballës, të paktën ajo që mendohej nga Braho se do të ishte private, por nuk është kështu. Partia Socialiste ka shpërndarë sot në email për mediat dhe jo vetëm, fjalën e plotë që mbajti në Kuvend kreu i grupit parlamentar socialist Balla. Mes marrësve të email ishte edhe Spartak Braho, por ky i fundit, duke kujtuar se Balla ia kishte dërguar vetëm atij, i kthen përgjigje dhe i shkruan siç e shihni dhe në foton më poshtë: Bravo Taulant. Bëni direkt denoncim sic kemi biseduar. Por për fatin e keq të Brahos, ky email me këtë përgjigje nuk i ka shkuar vetëm Ballës, por edhe të gjithë personave të tjerë që u ishte dërguar email me fjalën e socialistit.
