Opozita protestoi sot për herë të tetë para Kuvendit ndërkohë që brenda tij vijon normalisht seanca plenare.
Lulzim Basha i ndodhur në Berlin Ia ka lënë në dorë protestën Kryemadhit e cila duket se “zinxhir” ia ka pasur të rinjve të PD dhe LSI.
Por sa herë që ka një mungesë të Lulzim Bashës vihet re një “luftë” e brendshme për numrin dy brenda Partisë demokratike.
Kjo pasi sa herë që Basha nuk është, nis edhe gara e “shfrenuar” për protagonizëm nga të tjerët. E kjo nuk u pa vetëm sot.
Kemi parë Flamur Nokën dhe thirrjet e tij për dhunë, kemi parë Ervin Salianjin, Edi Palokën, Klevis Balliun dhe atë që në fakt është numri 2 me fjalë, por shumë pas tij në praktikë, Gazmend Bardhin.
Në fund të çdo proteste në vend të tij, flet Edi Paloka.
Protestuesve u prin gjithmonë Flamur Noka.
Të irrituarve Klevis Balliu.
E ndërkohë Gazmend Bardhi nuk duket gjëkundi duke lënë boshllëqe të cilat më pas mbushen nga të tjerët. Maksimumi që shohim nga Bardhi janë të folura pa mbarim në telefon.
E gjitha kjo, nuk duket ti bëj dëm vetëm sekretarit të përgjithshëm të PD, por edhe vetë protestës e protestuesve të cilët të çoroditur, shpeshherë nuk dinë kë të ndjekin.
Përgatiti: AlpeNews.al
