Seanca plenare nis në orën 10:00, ndërsa opozita ka njoftuar fillimin e protestës përpara Parlamentit rreth orës 09:30.
Ndërkaq, policia ka marrë një plan masash për protestën e sotme. Një numër i madh efektivësh policie janë të pozicionuar përreth Parlamentit. Ndërsa si në protestat e kaluara është bllokuar me hekura pedonalja e Parlamentit duke filluar nga minisitria e Brendshme.
Po ashtu një prezencë të efektivëve të policisë ka edhe përpara Kryeministrisë, pasi si në protestat e kaluara vendimet opozita i merr në shesh.
Protesta e fundit ishte më 28 mars dhe policia procedoi penalisht 28 persona, mes tyre dhe organizatori, sekretari i përgjithshëm i PD Gazment Bardhi.
Kujtojmë se opozita ka paralajmëruar për protesta sa herë që të mblidhet Parlamenti. Mirëpo, ndërkohë që opozita do të protestojë jashtë, në Kuvend sot një ndër pikat e ditës që do të diskutohet është edhe “Raporti i veprimtarisë vjetore të Komisionit Qendror të Zgjedhjeve për vitin 2018”.
