Nga Librazhdi në turin e “Bashkia që duam”, kreu i qeverisë Edi Rama, iu është drejtuar qytetarëve duke premtuar se do t’i çojnë deri në fund të gjitha detyrat dhe reformat që kanë ndërmarrë, duke shtuar se “nuk i lënë në mes të rrugës” siç bëri opozita.
Gjatë fjalës së tij ai ka komentuar sërish vendimin e opozitës për të lënë mandatet, duke thënë se tashmë parlamenti pa ta është më normal dhe se “vonë u kujtuan për tu larguar”.
Pjesë nga fjala e Edi Ramës:
Më thoshte: kurrë në zgjedhje me këtë qeveri dhe me këtë kryeminsitër. E çfarë bëri erdhi mori gjysmën e qeverisë dhe donte dhe gjysmën tjetër. S’ka më gjysma-gjysma, s’ka më asnjë llojë tryeze për të negociuar pushtetin që na keni dhënë ju.
Për lojërat e fatit dhe kanzinotë- Më parë, burrat shkonin merrnin ndihmën ekonomike, dhe ia hidhnin Kristiano Ronaldos, por unë e di që ka akoma probleme me ata që lozin online. E ka problem gjithë bota. Ama sot ka ardh koha të marrim disa masa të reja në kodin penal. Kush organizon bixhoz, të shkojë në burg. S’ka më jo po do bëhem çun i mirë…
Ndezja e zjarreve është bërë problem, se kur fillon kjo histori dilni gjuni, hypni nëpër shtylla e pemë, fillojnë dhe frymëzohen ata që nuk duan rregull. Edhe për ndezjen e zjarreve do të vendosim sanksione të forta.
Ky parlament sot është shumë më normal dhe shumë më i pashqetësushëm sepse nuk vijnë deputetët në parlament me vezë e bojë nëpër xhepa.
Si mund të jetë një opozitë e tillë? Ca është opozita, kotec? Vjen kryetari i opozitës futet me pallto të madhe në sallë. Thash do jetë i sëmurëm, do ketë ndonjë hall… ai ishte plot me vezë…
E duhet të mërzitemi ne pse ikin këta nga parlamenti? Vonë janë kujtuar madje, të ikin dhe të rrinë aty ku e meritojnë, në rrugë.
Unë nuk dua që cilido nga ju që na ka dhënë mbushjeje të mendojë se jam i kënaqur me çfarë kemi bërë. Po r unë nuk jam i kënaqur, dhe ka akoma që duhen bërë dhe nuk do i lëmë në mes të rrugës. Dhe nga ana tjetër, një gjë është e sigurtë, jemi e para qeveri në historinë në ndryshimet demokratike që nuk i kthen kurrizin asnjë njeriu të zakonshëm.
