Drejtori i Përgjithshëm i Policisë së Shtetit, Ardi Veliu foli sot në studion e “A Show” në News 24 edhe për një operacion të beftë të ditëve të fundit në qytetin e Elbasanit, një tjetër qytet problematik, ku pak javë më parë u vra avokati Ravik Gurra.
Ai pranoi se para pak ditësh Elbasani është rrethuar befasisht nga forcat RENEA dhe se kjo ishte një lëvizje e orkestruar.
“Nuk është rasti i fundit as i pare. Do shikoni çdo ditë të tilla. Ju dhe gjithë publiku duhet të besoni tek puna e Policisë së Shtetit”,- tha ai.
I pyetur të tregonte qytetin me kriminalitet më të lartë në vend, Veliu tha se shpërndarja e kriminalitetit bëhet sipas popullsisë. Kështu, kemi 35% në Tiranë, 11% në Vlorë dhe 7% në Shkodër.
Sa për Raportin e DASH, Veliu nuk e mohoi që Shqipëria është një nga rrugët e trafikimit të drogërave të forta, por pohoi se “Ka 300 fishim të sasisë së drogës së kapur dhe kjo si pasojë e punës së vazhdueshme të policisë”.
