Djegia e mandateve të opozitës ka sjellë një situate jo të këndshme politike, ku opozita vendosi të largohet nga parlamenti. Por edhe pse ato thane që mandatet tona janë të popullit duket se paratë nuk i kanë harruar ti kërkojnë. Deputetët e opozitës kanë paditur kreun e parlamentit ku kanë kërkuar dëmshpërblimet për periudhën që kanë qenë në bojkot.
Të gjithë kryetarët e parlamenteve kanë ndërprerë bonuset e deputetëve në momentin kur këta kanë marrë vendim për bojkot.
Konkretisht, bëhet fjalë për Valentina Dukën, e cila kërkon 187.090 lekë.
Nga Partia Demokratike ka paditur edhe Luan Baçi, ishdeputet i Qarkut të Fierit. Edhe Baçi në padinë e tij e cilëson si të padrejtë ndalesën që i është bërë nga rroga e deputetit, duke kërkuar rikthimin e 192.582 lekëve.
Por Luan BAÇI në një postim në Facebook shkruan se: Keto mandate ne i dogjem me koshience te plote, te ndergjegjeshem dhe te pergjegjshem, para qytetareve Shqiptare, duke ju pergjigjur thirrjes se tyre, duke u bashkuar me ta, duke qene prane, tyre, ne krahe te tyre, ne balle te tyre.
Edhe ish-deputetja e PD-së, Fatbardha Kadiu, ka kërkuar gjithashtu rikthimin e 192.582 lekëve, po për të njëjtën periudhë kohore.
Konkretisht, ish-deputeti Shezai Rrokaj kërkon që të marrë shumën prej 187.261 lekësh.
“Unë isha ndër më të interesuarit për mbajtjen e mandatit. Po vendimi nuk mund të ishte individual. Futja e kujtdo në parlament do ta njolloste edhe më shumë atë që është identifikuar si një parlament ku shumica e deputetëve janë futur përmes blerjes së votës.
Përgatiti: AlpeNews.al