Teksa Partia Demokratike njoftoi se kryedemokrati Lulzim Basha ndodhet në Londër, kreu i grupit Parlamentar të Partisë SocialisteTaulant Balla ka thënë se ai ka shkuar në Edinburg, qytetin ku u nënshkrua marrëveshja 1 milionë dallarëshe për lobim në SHBA.
Balla ka shtruar pyetjen tek demokratët duke thënë se “Ku është Lulëzimi sot?”.
Ai sqaron se PD ka bërë pagesa që nuk rezultojnë të deklaruara në KQZ duke kërkuar që selia blu të flasë lidhur me faktet e reja që kanë dalë.
Më herët PD tha se Basha do të marrë pjesë në Londër në konferencën e organizuar nga Konservatorët britanikë mbi Sfidat në Ballkanin Perëndimor
“Kryetari i Partisë Demokratike, Lulzim Basha ndodhet në Londër me ftesë të Partisë Konservatore Britanike të Kryeministres Theresa May. Basha do të zhvillojë takime me parlamentarë, drejtues dhe zyrtarë të lartë të Qeverisë Britanike.
Forcimi i marrëdhënieve mes partive të djathta dhe shpalosja e një vizioni të përbashkët për të ardhmen e rajonit janë disa nga objektivat e konferencës e cila sjell bashkë në Londër drejtues të lartë politike nga Ballkani.
Vizita e zotit Basha dhe drejtuesve të tjerë politike nga Ballkani Perëndimor në Londër vjen disa muaj para se Qeveria Britanike të mirëpresë takimin vjetor të Procesit të Berlinit i cili këtë vit do të zhvillohet në Londër”, thuhet në njoftimin e PD-së.
