Pas djegies së mandateve të opozitës, PD dhe LSI e bënë si fakt të kryer se nuk do merrnin pjesë në zgjedhjet lokale të 30 qershorit. Por ish deputeti Lulzim Basha ndoshta i “shpëtoi goja” rikonfirmoi për të 4 herë si kandidat t bashkisë në Kamëz Xhelal Mziun.
Fjala e Bashës në Paskuqan
“Herën e fundit këmbët na ishin mbushur me baltë ndërsa këtë here infrastruktura qënka rregulluar falë Xhelalit. Të jeni të sigurt, se kur t’i bashkojmë forcat me pushtetin lokal, me Xhelal Mziun dhe pushtetin qëndror, me një qeveri që do t’ju përgjigjet për hallet tuaja, ndryshimi pozitiv për çdo familje do të ndjehet kudo, por për këtë së pari duhet të fitojmë betejën.”
Por duket se zërat për pjesëmarrjen në zgjedhje qënkan të vërteta pasi kreu i Partisë Demokratike të Durrësit, Ferdinand Xhaferraj ka deklaruar se partia e tij do të hyjë në zgjedhjet lokale, por pa qenë Rama kryeministër.
Xhaferraj ka shtuar se Partia Demokratike ka gjithë potencialet për të fituar zgjedhjet lokale në Durrës dhe kjo buron nga potenciali i intelektualëve që ajo ka pjesë të saj.
Ferdinad Xhaferri ka kandiduar edhe për kryetar bashkie në Durrës në vitin 2011, por u mund nga socialisti Vangjush Dako.
Ai është i shquar për një gafë që bëri gjatë asaj fushate elektorale, kur tha se do të përmirësonte edhe cilësinë e diellit për turistët.
Ndoshta atëherë nuk u morën seriozisht me fjalët e tij por duket se kësaj radhe duhet ti besojmë.
Përgatiti: AlpeNews.al.al
