LIVE/ Partizani-Teuta, "Demat" dyfishojnë shifrat. shënon Hila nga pika e bardhë

Partizani dhe Teuta, luajnë mes tyre, takimin e fundit të javës së 25-të në Superiore, në një sfidë që do luhet me tifozë në “Selman Stërmasi”, pas pagimit të gjysmës së dënimit nga klubi i kuq.
Pas humbjes së Kukësit, ekipi i Gegës do të kërkojë patjetër një fitore, për të vrarë kampionatin, ndërkohë që nga ana tjetër, Teuta e Shkëmbit vjen në Tiranë, për objektivat e saj, i cili këtë takim është… fitorja.
Bie në sy rikthimi tek Partizani në formacionin titullar, të mesfushorit Ardit Hila, ndërkohë që Mensah luan në vendin e Bardhit, pasi ky i fundit ka një tërheqje.
Në këtë takim, vihet re prezenca në tribunë edhe e dy lojtarëve të Kamzës, Bruno Arrabal dhe Martinenës.

 
LIVE | Partizani-Teuta 2-0
GOL: Telushi 4′, Hila pen. 32′ / 
 
KOMENTI LIVE
32’ GOOOOOOL PARTIZANI 2-0/ Godet Ardit Hila nga pika e bardhë, dhe nuk gabon nga 11 metra.
 
31’ Avdyli gabon dhe dorëzon topin tek Partizani. Asani me një sprint të shpejtë, avancon drejt zonës durrsake, dhe pengohet nga Kallaku. Penallti dhe karton i verdhë për Kallakun.
27’ Nga e djathta, Progni kroson tërësisht në anën tjetër, për Hakajn, por ky i fundit nuk ka koordinimin e duhur për të goditur drejt portës.
25’ Goditja e parë me kokë nga Arapi drejt portës së Hoxhës, por kontrollon portieri i të kuqve.
25’ Karton i verdhë për Gerhard Prognin, për një ndërhyrje ndaj Labinot Ibrahimit.
23’ Ndalet disa sekonda loja, për probleme të Lorenc Trashit, që merr ndihmën e parë të mjekëve.
22’ Traore kalon në një duel shpejtësie Rexhepin, por vjen Belica dhe mbyll, duke ccuar topin në goditje nga këndi.
19’ Krosim i Trashit nga e majta në zonë, por nuk gjendet askush për të përfituar.
16’ Traore provon të shërbejë për Bushiç brenda zone, por shumë i fortë pasimi për kroatin.
11’ Provon edhe Hila, por shumë e lehtë dhe jashtë portës së Hidit.
8’ Ndërhyrje e rrezikshme e Telushit në mesfushë, kryesori Xhaja e ndëshkon me kartonin e verdhë.
4’ GOOOOOOL PARTIZANI 1-0/ Skemë nga skuadra e Gegës. Asani shërben për Telushin, vlonjati godet fort rrafsh me tokën, dhe tund rrjetën.
3’ Goditje dënimi për Partizanin, në hyrje të zonës.
3’ Top i gjatë për Malën, ky i fundit futet bukur në të majtë. Kroson, por Osmani nxjerr në goditje këndi, e para për Partizanin.
1’ Top i humbur nga Atanda, përfiton Traore. Shërben për Kallakun, dhe ky i fundit provon nga jashtë zone, por mbi portën e Alban Hoxhës.
1′ Nis takimi në “Selman Stërmasi”.