Arta Dade është shfaqur sërish në një ekran televiziv, për të kritikuar kryeministrin Edi Rama.
“Nuk para jam takuar me Ramën, vetëm kur më përshëndeti dhe më puthi nga një ekran televiziv.
Meqë më ka aq xhan duhet të bëjë këtë që them unë dhe nëse më ka xhan duhet të më kishte dëgjuar mua.
Nëse 20% do më kishe dëgjuar mua dhe kolegë të tjerë nuk do ishte në këtë situatë si sot”, tha Dade pwr ABC News.
Ajo tregoi se edhe kur ka qenë pjesë e strukturave të PS-së, ka pasur kritika ndaj kryeministrit për çështje parimore.
“Edhe kur kam qenë në strukturat e parties, kritikat e mia kanë qenë parimore.
Unë isha e bindur se Rama do zgjidhej. Duhej respektuar statuti.
Kundërshtitë e mia për ligjin për shërbimet e jashtme, besoj se isha në të drejtën time për ta bërë këtë gjë, sepse Shqipëria duhet të ketë një trupë diplomatike profesioniste dhe nëse nuk i motivon në bazë të ligjit, atëherë nuk mund ta krijosh këtë trupë”, tha Dade.
Në një intervistë të mëparshme, ajo kishte kërkuar largimin e Edi Ramës si kryeministër dhe krijimin e një qeverie tjetër, pa të.
Rama ndërkohë, iu përgjigja nga ekrani vetëm me një “puthje”, duke u shprehur se nuk kishte çfarë të thoshte për të.
Dade ndërkohë, thotë se Partia Socialiste duhet bërë nga e para.
“Partinë Socialiste dua ta shikoj realisht si një parti demokratike, por shpesh them mos ndoshta duhet nga e para, ose ndoshta duhet një alternativë tjetër, sepse dikush ka drejtuar me dorë të fortë dhe që ndoshta nuk është më e njëjta parti.
Do dëshiroja të evoluohej në krahun pozitiv”, tha ajo.
