“Ne jemi gjysma e botës”. Ky është mesazhi që ka zgjedhur të përcjellë Ambasada e SHBA në ditën ndërkombëtare të gruas, përmes të ngarkuarës me Punë, Leyla Moses-Ones, e cila e vë theksin tek roli i rëndësishëm që gratë luajnë në institucione në Tiranë dhe në botë. Ajo thotë se në staf ka shumë gra, e të gjitha bashkë punojnë, frymëzojnë dhe çojnë përpara ide.
Nën moton “Ne jemi gjysma e botës”, Ambasada e Shteteve të Bashkuara të Amerikës në Tiranë uroi sot 8 Marsin për të gjitha gratë.
Mesazhi është përcjellë në Ditën Ndërkombëtare të Grave, nga e Ngarkuara me Punë Leyla Moses-Ones, e cila e vë theksin tek roli i rëndësishëm që gratë luajnë në Ambasadën e SHBA në Tiranë dhe në botë.
Ajo thotë se në staf ka shumë gra, e të gjitha bashkë punojnë, frymëzojnë dhe çojnë përpara ide.
“Unë jam Leyla dhe jam krenare që drejtoj Ambasadën e Shteteve të Bashkuara të SHBA dhe një ekip ku më shumë gra se asnjëherë tjetër janë në krye të seksioneve. Çdo ditë ne punojmë së bashku, ne frymëzojmë dhe çojmë përpara ide. Ne jemi kolege, nëna, bashkëshorte dhe motra”.
Përgjatë gjithë muajit mars, Ambasada e SHBA-së do të ndajë histori të tjera të grave të cilat kanë sjellë ndryshim.
Zyrtarisht Dita Ndërkombëtare e Gruas u vendos në Shtetet e Bashkuara më 28 shkurt të vitit 1909 nga Partia Socialiste amerikane që atë ditë organizoi një manifestim të madh, në të cilin kërkohej e drejta e grave për të votuar.
