Policia e Shtetit i refuzoi opozitës lejen për protestë para Parlamentit, duke argumentuar se tubimi i 26 shkurtit ishte një precedentë që nëse përsëritet vë në rrezik jetën e deputetëve dhe administratës së Kuvendit. Policia ju drejtua PD-së ta zhvillojë protestën në një tjetër vend, ndërsa tha se nëse do të ketë dhunë, organizatorët dhe pjesëmarrësit do të ndiqen penalisht. Por ashtu si PD-ja, edhe LSI-ja, është e vendosur për ta mbajtur protestën nesër para Parlamentit, kur Kuvendi do të mbajë seancë plenare.
Ish-deputetja Erisa Xhixho, thotë se nuk do të bëhet asnjë hap pas, duke përmendurkështu një shprehje të artikuluar vazhdimisht nga kryetarja e LSI-së, Monika Kryemadhi, gjatë kohës së protestave të opozitës, por edhe si përgjigje ndaj reagimeve ndërkombëtarë që kanë kritikuar djegien e mandateve nga opozita, dhe protestat e dhunshme.
Reagimi i Erisa Xhixhos
E drejta per te protestuar nje e drejte kushtetuese neni 47 i Kushtetutes.
Te degjoj argumentimet e policise shtetit qe refuzojne kerkesen e qytetareve per proteste eshte sa qesharake dhe e turpshme.
E drejta per protestuar eshte fituar prej shekujsh nuk mund te refuzohet pasi ajo vetem mund garantohet ne ushtrimin e saj nga Policia Shtetit e cila qartazi tashme eshte kthyer ne nje polici politike.
Une kam qene deshmitare e protestave mese paqesore, ku asnje polic nuk eshte dhunuar perkundrazi kam pare dhe perjetuar helmimin nga gazi qe kane hedhur pa kriter ndaj protestuesve dhe qytetareve, grave, femijeve qe studionin ne shkollen profesionale ekonomike ( ish pedagogjike) afer Kuvendit.
Perkundrazi provokimet ndaj saj kane qene permanente.
Ne kemi zgjedhur te kundershtojme me forcen e njerezve e rezistences popullore parlamentin ilegjitim duke ndertuar parlamentin e qytetareve dhe lirise sa here do kete seance parlamenti i Rilindjes, ndaj ta harroj cdo kush qe mendon se mund te na friksoje ose intimidoje.
Asnje hap pas.
