I riu kishte vjedhur në banesa varese floriri, televizorë, fshesë me korent, aparate celular, rroba, tapete e sende të tjera.
Një 19-vjeçar me iniciele L.D., nga qyteti i Durrësit ka rënë në prangat e policisë pasi dyshohet se ka kryer vjedhje në pesë banesa të ndryshme.
Sipas policisë vjedhjet janë kryer në periferi të Durrësit kryesisht gjatë orëve të natës.
Gjatë muajit dhjetor 2018, janar dhe shkurt 2019, në lagjen nr. 14 Durrës ka vjedhur pesë banesa ku ka marrë varese floriri, televizorë, fshesë me korent, aparate celular, rroba, tapete e sende të tjera.
Materialet i kaluan Prokurorisë pranë Gjykatës së Shkallës së Parë Durrës, në ngarkim të shtetasit L.D., për veprën penale ” Vjedhja”, parashikuar në nenin 134/2 të Kodit Penal.
