Delegacioni i PE-se qe ka mberritur dje ne Tirane, ka mbajtur sot nje konference per mediat, ku nder te tjera ka theksuar se ata qe pasojne ne listat e PD dhe LSI duhet te pranojne mandatet dhe te shkojne ne Kuvend, pasi kjo eshte detyra e tyre dhe do te ndikoje ne Bruksel per celjen e negociatave.
Raportuesi për Shqipërinë në parlamentin Evropian thotë se djegia e mandateve nuk është mënyra e duhur për t’i zgjidhur problemet politike, duke i bere thirrje njekohesisht pasardhseve ne listat e PD dhe LSi qe te marrin mandatet e te shkojne ne Kuvend. “Ne presim që deputetët të shkojnë në punë” – tha Fleckenstein.
Megjithatë, Fleckenstein tha se nuk ka asnjë diskutim që Parlamenti do të funksionojë, qoftë edhe pa anëtarë të rinj, por gjithesesi per integrimin e vendit ata duhet te shkojne ne Kuvend. Nderkohe, Fleckenstein tha se do të shikojnë se si do të vijojë procesi, pra nëse kandidatët e tjerë në lista do të pranojnë mandatin.
“Nuk kemi dyshim që ky parlament do të vazhdojë rrugëtimin e vet, ndoshta edhe me anëtarë të rinj, do të shikojmë se cili do të jetë vendimi i qershorit. Opinioni ynë me një mazhorancë shumë të madhe ka qenë i qartë si kristali, dhe nuk ka arsye pse duhet ndryshua ky vendim.”
Raportuesi për Shqipërinë tha në takimin e Këshillit Evropian në qershor, do të raportojnë për ecurinë e Shqipërisë, që padyshim sipas tij, duhet dhënë drita jeshile për çeljen e negociatave.
